據香港信報報導，香港餐飲業一向蓬勃，從業者眾，各擅勝場，個中涉獵不同類型和光譜食肆且一概做出成績的，則為數不多，譚仔國際行政總裁劉達民(Daren)屬成功例子之一;由早年任職半島酒店，到后來轉戰專營機場飲食的Select Service Partner(SSP)、擔任過大家樂(00341)高層，至2018年加盟譚仔，經歷業界順流逆流;他日前接受信報專訪，暢談多年來的餐飲情意結。

        中文大學工商管理碩士畢業的Daren，選擇了餐飲這條跑道，1988年在半島酒店起步，被編配處理前線職務;問到當初為何會投身這個行業，他答得非常直接：「鐘意食嘢啰!」入行理由聽似草率，工作態度絕對認真，「做trainee(實習生)，每個部門6個月，由廚房開始，初頭負責洗煲，你知酒店啲煲幾大，環境好焗好熱，成身汗;最辛苦系洗莧菜，一箱一箱歐洲運過嚟，好多沙黐住，(清潔時)chok完一邊要chok另一邊，手臂好攰好攰。」

        酒店洗煲起步 連鎖管理偷師

        正因簡單工序都如此努力，為他打好日后在業界發光發亮基礎，「自己以前住屋邨，剛出嚟做嘢，見到咁嘅(五星級)環境、布置，仲有好多嚴謹細節，大開眼界。」

        1996年他加盟美式連鎖餐飲集團TGI Friday's，又是另一種體驗，獲安排到美國受訓6個月，「training好細致，包括管理哲學、點樣franchise(專營權)、餐廳營運……視野闊咗好多。」

        1998年Daren又有新發展，過檔專營機場飲食的SSP，「所有餐廳都喺機場，成日要飛來飛去，試過兩日飛3個地方，一落機就做嘢;接觸不同品牌，學到好多好多;去到不同國家，見到管理系統、飲食文化都唔一樣，獲益良多，對我將來點管理一個更闊嘅region(區域)、點樣帶個品牌去國際，相當有幫助。」

        沙士學懂應變 毋懼疫情來襲

        在SSP一做17年，難忘事情不少，他述說：「(2003年)沙士畀我好大回憶，當時業務拓展中，疫情一到，機場terminal(客運大樓)直情數到有幾多人，好慘，但最緊要認清個問題;當我哋知道呢段時間無生意，要同員工共渡時艱，咪一齊傾啰，例如減工時，令雙方可以延續落去;公司要發展，亦唔想員工就咁走，好彩沙士時間較短，兩個月后已經見到生意慢慢上返。」

        于2015年，Daren由國際層面回歸本土品牌，轉戰另一領域：快餐，出任大家樂行政總裁(速食餐飲業務)，負責香港的快餐、機構飲食、學童膳食及其他速食業務板塊的整體營運管理與發展。

        直至2017年，業界出現一宗令人矚目的新聞，日本丸龜制面母企東利多(Toridoll)先后收購香港知名車仔面店「譚仔」與「譚仔三哥」，并且積極招兵買馬，Daren翌年加盟，「覺得自己仲有好多嘢可以contribute(貢獻)，唔止系公司，仲有對業界。」

        譚仔跟大家樂同屬速食文化類型，惟Daren不諱言工作性質不同，「譚仔系街坊面食，個人覺得相對較易操作」;可是人算不如天算，突如其來的一場新冠肺炎疫潮重創餐飲業，譚仔不可能獨善其身，他形容與當年沙士相比，今次疫情更反復，「初時有好多不確定性，無啦啦政府話在家工作，生意突然大跌，唯有盡量攞多啲資訊，同事密啲開會傾應變方案，better prepare for next step(為下一步做好準備)。」

        「首先要確保員工健康先，撲口罩，之后睇供應鏈、啲貨嚟唔嚟到，好感恩團隊一直好努力」;環境受限，就一定要變通，公司過去一年不斷微調策略，例如當政府宣布禁堂食，便立即提供外賣優惠，并全面推行米線和湯分開上，「客人反映話OK，湯嘅熱度高啲，而家啲客都好叻，識得叫『米爽』，即系唔好煮咁『腍』。」

        順應麻辣大趨勢 西方客日增

        譚仔有不少「粉絲」，嫁到瑞典的本地網紅作家「三家姐」，多年前開始撰寫的網志「為何斯德哥爾摩沒有譚仔三哥」紅爆網絡，可見賣的不止食物，還有一份本土情懷。

        Daren指出，近年譚仔食客已非純粹本地人，海外游客也趨之若鶩，先是日韓和東南亞，到現時已愈來愈多西方顧客，「我有個同事系瑞典人，佢要食『雙特辣』，話好舒服;麻辣目前成為全球嘅trend(趨勢)，我哋有先天優勢吸引鐘意食辣嘅人。」

        滿足感驅動 工作熱情未減

        投身業界多年，難得的是Daren熱情不減，背后源于一份滿足感，「喺餐廳入面招呼個客，或者recommend(推介)佢食乜嘢，到你招呼完，佢畀到你個反應系最即時，你就會知道，嗰種感覺好開心。」

        做飲食最緊要有回頭客，在Google搜尋「米線」二字，相關食店多到目不暇給，要站穩腳殊不容易，能成功突圍而出，除了枱上的「勿演懶肉實小勒」(墨丸腩肉10小辣)之外，背后要有專業的支援及市場策略一同配合。

        譚仔國際行政總裁劉達民

        2020年10月譚仔三哥首間海外店在新加坡正式開幕。

        早年加入半島酒店后，劉達民曾擔任餐飲業最前線職務。

        劉達民1996年加入美式連鎖餐飲集團TGI Friday's，并到美國進行為期6個月的培訓。

        過橋米線是譚仔招牌菜色。

《電鰻快報》